O tratamento da perspectiva de xénero como vehiculizador dunha transformación social que mude o clima de convivencia nos centros escolares, e a través disto a sociedade futura que conformarán os nenos e nenas de hoxe, é una parte esencial do proxecto educativo de Mediación Móbil.
O noso plantexamento pivota arredor da idea de que grande parte das dinámicas negativas que suceden no día a día dos institutos ten relación coa absorción e perpetuación de roles de xénero que a sociedade actual verte sobre a personalidade en formación dos adolescentes. Por iso consideramos que é neste punto onde debemos traballar e focalizar esforzos para construír unha sociedade máis sá e inclusiva. Se ben é certo que outras moitas lacras lastran o avance social (racismo, discriminación por causa do idioma, etc) numerosos estudos indican que a maior parte da conflictividade no eido da educación provén de alguna maneira dunha construcción social e cultural tendente á discriminación por un enfoque de xénero excluínte e predominantemente masculinizado. A incidencia a longo prazo ou a valoración da súa pegada pode ser obxecto de distintas gradacións pero resulta difícil cuestionar o feito de que é un denominador común en moitos casos, sexan puntuais ou sostidos a longo prazo.
Dende Mediación Móbil traballamos na creación dun método de elaboración de Plans de Convivencia e técnicas de implantación de Servizos de Mediación nos Centros Escolares que ten moi presente a contribución mediante os mesmos á incorporación dun enfoque integrado de xénero. A grandes rasgos a estratexia de actuación seguiría tres grandes liñas:
A elaboración destes estudos farase de xeito anónimo a través dun sistema de enquisas chamado Moodle e utilizando marcadores en aspectos chave para que sexa fácilmente analizable e rastreable.
A formación do alumnado e profesorado correrá a cargo de profesionais coñecedores dos procesos de integración de perspectiva de xénero e estará orientada fundamentalmente á prevención de dinámicas negativas e a implementación dun servizo de mediación (cun profesor actuando como mediador ou cun enfoque de mediación entre iguais) para tratar os eventuais problemas que puidesen xurdir durante a convivencia escolar. Este Servizo estaría operativo para dar resposta a problemas de diversa significación pero será especialmente sensible coa actuación ante conductas machistas.
No tocante ás campañas de sensibilización a nosa intención é a de apoiarnos en estratexias que xiren en torno a un uso socialmente útil das novas tecnoloxías, especialmente ás redes sociais. Aquí entrarían diferentes propostas a valorar polos Centros e adaptadas ás súas capacidades, pero como exemplo podemos sinalar á viralización de temas relacionados coa sensibilización mediante estratexias de markenting dixital, que a vez entroncarían coa dinamización idiomática sobre a que pretendemos descansar outro dos pés do proxecto, que é a utilización do galego como língua vehicular das campañas e do Servizo.